Deliu: Qeveria diskutoi 35 pika, por ligji për Specialen mungoi në agjendë

Deputetja e PDK-së, Blerta Deliu-Kodra, ka kritikuar Qeverinë për mos-trajtimin e ligjit për Specialen, duke thënë se, pavarësisht urgjencës së deklaruar pas aktgjykimit të fundit, kjo çështje ende nuk është konkretizuar.

Duke folur në emisionin “Rubikon” në Klan Kosova, Deliu-Kodra tha se në mbledhjen e sotme të Qeverisë janë diskutuar 35 pika, por në mesin e tyre nuk ka qenë ligji për Specialen.

“Unë dëgjova deklarimet e Albin Kurtit në konferencën e tij në Qeveri sot, janë 35 pika të cilat janë diskutuar sot në Qeveri të Kosovës, nuk figuron ligji”.

Ajo ka theksuar se kjo vjen në një kohë kur kryeministri Albin Kurti ka folur edhe për rrezikun që, sipas tij, paraqet vendimi i datës 16, për shkak të një përpjekjeje të Rusisë dhe Serbisë për ta aktivizuar diplomacinë.

“Ndërkohë që Albin Kurti përmendi sot edhe rrezikun që e ka vendimi i datës 16, për shkak të një përpjekjeje të Rusisë dhe Serbisë që ta aktivizojë diplomacinë, e që do t’i bënte dëm Kosovës”, tha ajo.

blerta deliu