Çitaku thotë se Ligji për Specialen kthehet në Kuvend “më së largu deri të hënën”

Ushtruesja e detyrës së Kryetares së Partisë Demokratike të Kosovës, Vlora Çitaku, ka thënë se Ligji për Gjykatën Speciale do të kthehet në Kuvend “më së largu të hënën e ardhshme”. Në Rubikon të Klan Kosovës, ajo tha se “ndryshimet e menjëhershme janë të kufizuara” në këtë momente.

“Më së largu deri ditën e hënë. Ne do të jemi të kufizuar me atë që mund të ndryshojmë menjëherë. Ky Ligj mund të ndryshojë edhe pas tre muajsh, edhe pas tetë muajsh. Është punë që do të jetë vazhdimisht në proces e sipër”, tha Çitaku.

“Thelbi i tij ka me mbetë”, shton Çitaku, duke insistuar se nuk ka luftë të brendshme brenda PDK-së sa i përket çështjes në fjalë.

Ligji për Gjykatën Speciale, me kërkesë të Partisë Demokratike të Kosovës, u kthye për lexim të tretë në Kuvend nga ana e Presidentes së vendit, Justina Shiroka Pula, pasi që i njëjti ishte votuar në dy lexime në Kuvend.