Futbollisti Bledian Krasniqi është pajisur me pasaportën e Republikës së Kosovës në Konsullatën e Përgjithshme të Republikës së Kosovës në Cyrih, duke marrë një tjetër hap të rëndësishëm drejt përfaqësimit të Kosovës në nivelin e Kombëtares A.
Krasniqi është përzgjedhur për të qenë pjesë e Kombëtares A të Kosovës dhe tashmë ka përfunduar edhe procedurën e pajisjes me dokumentet e Republikës së Kosovës.
Konsullata e Përgjithshme e Kosovës në Cyrih e ka përshëndetur këtë moment, duke i uruar Krasniqit suksese në rrugëtimin e tij me fanellën e Dardanëve.
“Mirë se erdhe, Bledian! Kemi pritur me kënaqësi këtë moment të veçantë, përzgjedhjen e Bledian Krasniqit në Kombëtaren A të Kosovës. Faleminderit, Bledian, që zgjodhe Kosovën dhe që do ta përfaqësosh vendin tonë me fanellën e Dardanëve”, thuhet në urimin e Konsullatës
