Pas muajsh heshtje, Sarah Berisha tregon çfarë ka ndodhur me PM

Sarah Berisha ka konfirmuar për herë të parë publikisht se lidhja e saj me DJ PM ka përfunduar.

Në një pyetësor të hapur në Instastory, Sarah iu përgjigj pyetjes nëse ajo dhe PM janë ende bashkë, duke bërë të ditur se ndarja ka ndodhur prej disa muajsh, para se lajmi të bëhej publik

“Jo, ne nuk jemi më bashkë. U bënë disa muaj që jemi ndarë, shumë përpara se të dilte lajmi”, ka shkruar ajo.

Sarah theksoi se, pavarësisht përfundimit të lidhjes, mes tyre ka mbetur respekti.

“Disa gjëra janë të shkruara për të mos zgjatur gjithmonë, por e mira është që kur marrin fund, të ruajmë respekt për njëri-tjetrin”, u shpreh ajo.

Ajo shtoi se këtë përgjigje e dha edhe si një lloj “detyrimi” ndaj fansave që i kanë mbështetur gjatë periudhës së tyre në “Big Brother” dhe edhe pas përfundimit të spektaklit.

Në fund, Sarah bëri të qartë se nuk dëshiron ta zgjasë më tej këtë temë: “Këtë përgjigje po e jap sepse e ndjej dhe si ‘detyrim’ për të gjithë ata që na kanë mbështetur si në Big, por dhe jashtë. Këtë temë s’do ta hap më.”