Një tjetër ngjarje e rëndë ka ndodhur në Komunën e Gjilanit.
Siç merr vesh Paparaci një person dyshohet se ka mbetur i vdekur.
Sipas burimeve, dorasi dyshohet të jetë babai i viktimës.
Ngjarja ka ndodhur në fshatin Pogragjë të Komunës së Gjilanit.
Demos ka tentuar të marrë informata nga Policia e Kosovës, mirëpo deri në publikimin e këtij lajmi nuk ka pranuar akoma përgjigje.
Ndryshe para disa ditësh një grua dhe një burrë (motër e vëlla) u vranë në Livoç të Poshtëm të Gjilanit, ndërsa dyshohet se autor i vrasjes është bashkëshorti i gruas. Nga të shtënat me armë zjarri mbeti i plagosur edhe një person tjetër.
I dyshuari, 38 vjeç, dyshohet se e vrau bashkëshorten e vet 27-vjeçare, vëllain e bashkëshortes, 31 vjeç, si dhe e plagosi rëndë djalin e xhaxhait të bashkëshortes së tij, 48 vjeç, sipas Prokurorisë Themelore në Gjilan dhe Policisë së Kosovës.
Derisa motivet e vrasjes së dyfishtë vazhdojnë të mbetet të panjohura, autoritetet ligjzbatuese thanë se gjetën armë shtesë në shtëpinë e të dyshuarit, i cili, sipas tyre, nuk ka të kaluar kriminale.
Gjykata Themelore në Gjilan e caktoi një muaj paraburgim për të.
