Tarifat e energjisë, LDK sot mban konferencë para KEDS

Lidhja Demokratike e Kosovës do të mbajë sot në ora 11:30 një konferencë për media para objekteve të KEDS dhe KESCO, lidhur me tarifat e rrymës.

Kjo vjen pas deklaratave të Visar Azemi, i cili ka ngritur shqetësime për saktësinë e matjes së energjisë elektrike.

Sipas tij, një hulumtim i realizuar nga LDK, ku janë testuar mbi 800 njehsorë në Prishtinë dhe Ferizaj, ka treguar se 87% e tyre nuk matin kohën saktë, duke rënduar faturat e qytetarëve.

Azemi e ka cilësuar këtë si mashtrim dhe ka kërkuar dorëheqjen e Bordit të ZRRE dhe nisjen e hetimeve penale.

Në anën tjetër, KEDS ka mohuar këto pretendime, duke theksuar se njehsorët janë të besueshëm dhe funksionojnë sipas standardeve zyrtare.