Policia nis hetimet për rrahjen mes disa personave në Viti

Policia është deklaruar lidhur me përleshjen fizike mes disa personave në Viti.

Zëdhënësi i policisë për rajonin e Gjilanit, Valon Osmani ka bërë të ditur se rasti në fjalë nuk ka qenë i raportuar në polici.

Ai u shpreh se menjëherë pas publikimit të pamjeve, hetuesit policorë të Stacionit Policor në Viti në koordinim dhe me autorizim të Prokurorit të Shtetit, kanë ndërmarrë veprime hetimore për ndriçimin dhe sqarimin e të gjitha rrethanave të rastit, për identifikimin e personave të përfshirë në këtë përleshje fizik si dhe procedimin e mëtejmë në bazë të procedurave ligjore.

“Bazuar në informacionet fillestare dyshohet se ngjarja ka ndodhur më 07.08.2026 në qytetin e Vitisë”, tha Osmani.