Ramadani: Policia e Kosovës merr përgjegjësinë për sigurinë e Manastirit të Deçanit, kjo është një arritje serioze

Deputeti i Aleancës, Burim Ramadani ka reaguar pas lajmit se Policia e Kosovës ka marrë përgjegjësinë për sigurinë e Manastirit të Deçanit, duke thënë se është një arritje serioze, shkruan GazetaDemos.

Ramadani tha se ky vendim tregon vlerësim për Kosovën.

“Fillimi i bartjes së përgjegjësisë për sigurinë e Manastirit të Deçanit nga KFOR-i tek Policia e Kosovës është veprim fantastik që dëshmon gatishmërinë e Kosovës dhe popullit tonë për sundim të ligjit”, tha ai.

Postimi i plotë:

Policia e Kosovës merr përgjegjësinë për sigurinë e Manastirit të Deçanit.

• Kjo është një arritje serioze

Fillimi i bartjes së përgjegjësisë për sigurinë e Manastirit të Deçanit nga KFOR-i tek Policia e Kosovës është veprim fantastik që dëshmon gatishmërinë e Kosovës dhe popullit tonë për sundim të ligjit.

Në një periudhë të ri-vendosjes së kapaciteteve të KFOR-it në aspektin operativ, vlerësimi që Manastiri i Deçanit mund të ruhet nga Policia e Kosovës tregon vlerësim për Kosovën.

E përgëzoj Komunën e Deçanit dhe popullin e asaj ane, Policinë e Kosovës dhe KFOR-in për këtë arritje.