Ish-presidentja e Kosovës, Vjosa Osmani, ka reaguar lidhur me rastin e Arlinda Zekajt, duke ngritur shqetësime për neglizhencën institucionale dhe mungesën e përgjegjësisë në trajtimin e thirrjeve për ndihmë.
Në reagimin e saj, Osmani ka cituar një fjali nga letra e Arlinda Zekajt, e cila kishte kërkuar ndihmë: “Për ju është rutinë, për mua është jetë…”
Osmani ka theksuar se asnjë grua dhe asnjë nënë nuk duhet të detyrohet të lutet për të drejtën për të jetuar, apo të përgjërohet që fëmijët e saj të jenë të sigurt.
Ajo ka kritikuar gjithashtu sistemin gjyqësor, duke theksuar se deri më tani nuk janë ndërmarrë masa ndaj gjyqtarëve që, sipas saj, kanë treguar neglizhencë.
“Një grua dhe një nënë nuk duhet të ketë nevojë të lutet për të drejtën për të jetuar. Nuk duhet të ketë nevojë të përgjërohet që fëmijët e saj të jenë të sigurt”, thuhet në reagimin e Osmanit
