Muharremi: Qytetarët po i përballojnë çmimet e ngritura me kredi e borxhe

Sipas Muharremit, rritja e qarkullimit nuk është tregues i përmirësimit të jetës së qytetarëve, por rezultat i një ekonomie që po mbahet mbi borxhin familjar dhe kreditë bankare.

Muharremi citoi të dhënat e BQK-së sipas të cilave borxhi familjar është rritur 118% në vetëm tre vjet, nga 1.18 miliardë euro në janar 2021 në 2.57 miliardë euro në dhjetor 2024.

“’50 kafe, 100 euro’, kredia, borxhi, çmimet, inflacioni, ekonomia… krejt po lidhen!”, shkroi Muharremi në reagimin e tij, duke e ndërlidhur me një koment që Murati e kishte bërë dje në Facecook.

“Një pjesë e madhe e ‘përballimit’ të çmimeve nuk po vjen nga rritja e të ardhurave… por nga rritja e kredive dhe borxhit”, përfundoi ai.