Kryeministri i Kosovës, Albin Kurti, ka shprehur ngushëllime për jetët e humbura nga aksidenti tragjik hekurudhor në Spanjë, ku dy trena të shpejtësisë së lartë janë përplasur.
Përmes një postimi në rrjetin social X, Kurti i ka shprehur ngushëllimet e tij kryeministrit spanjoll, Pedro Sanchez, familjeve të viktimave dhe popullit të Spanjës.
“Thellësisht i pikëlluar nga lajmi për aksidentin hekurudhor në Spanjë, i cili ka marrë dhjetëra jetë njerëzish. Ngushëllimet e mia më të sinqerta i shpreh kryeministrit Pedro Sánchez, familjeve të viktimave dhe popullit të Spanjës në këtë ditë tragjike”, ka shkruar Kurti.
