Kurti pasi Time Kadrijaj e gjuajti me vezë: Nëse ky është çmimi që duhet ta paguaj, e paguaj vetëm të takohem me ta

Kryeministri në detyrë, Albin Kurti, ka reaguar pas incidentit në Kuvend, ku ndaj tij u hodhën vezë nga deputetja Time Kadrijaj.

Kurti ka thënë se goditja me vezë, sakon dhe pantallonat e tij është një çmim që është i gatshëm ta paguajë, në mënyrë që partitë politike të ulen dhe të dialogojnë.

“Nëse gjuajtja e vezëve dhe goditja e sakos dhe pantallonave të kryeministrit nga vezët që i hedh një deputete është çmimi që unë duhet ta paguaj në mënyrë që ata të ulen dhe të bisedojnë bashkë e të dialogojmë, jam i lumtur që ta paguaj këtë çmim”, ka deklaruar Kurti.