“Kur e kalla tenkën, kemi vra ushtarë serbë sa kemi mujtë” – Ish-luftëtari i UÇK-së i njohur si Rambo tregon momentin kur dogji tenkën e serbëve me zollë

Ish-luftëtari i Ushtrisë Çlirimtare të Kosovës, Vesel Aruqi, i njohur si Rambo i UÇK-së, i ftuar në emisionin n’Demos ka rrëfyer detaje nga lufta e fundit në Kosovë, shkruan GazetaDemos.

Ai ka treguar momentin kur ua dogji serbëve një tenkë gjatë luftimeve të ashpra në Drenicë.

“Aty e kemi bo një rezistencë të fuqishme, i ri kam qenë në atë kohë, Shkupi ma dha zollën, më pa me sy kur ja kom fut tenkës, pasi që u dogj tenka, 30-40 serbë lëviznin sikur delet, dhe aty kemi vra sa kemi mujtë, e kemi gjujt sa kemi mujt, iu bërtiste komandanti në gjuhë serbe, por ata nuk guxonin me u afru se e hongrën, tenkën e djegur, plius çka gjuanim kështu, dhe iu humbi morali, ndërsa edhe Murrizi, e djegu edhe ai një tenkë, ata kanë qenë djem të fortë”, tha Aruqi.

Aruqi tregoi edhe një rast teksa ishte në vijën e frontit, kur iu bllokua automatiku.

“Kurrë nuk e harroj, mu bllokua automati në fron qysh kemi qenë, besomni, kur s’më ka plasë zemra atë ditë, s’ka me ndodh më, shumë e ndjeva veten keq, por prej nervozës, e kam marrë autatin dhe e kam çelë, s’kam ikë, e kam fshi e kam pastru, duke e montu automatin, është ardh urdhëri me u tërhek, se serbët vetëm u kthyen anej, dhe kur u tërheka, gjysmën e pjesëve të automatit i kisha në një xhep, gjysmën në tjetrin”, u shpreh ish-luftëtari drenicas.

Rrëfimi i tij: