“Fjalët janë të pakta për të përshkruar dhimbjen..”, Nura me shkrim prekës për vdekjen e të riut në aksidentin tragjik dje

Nënkryetari i Skenderajt, Fadil Nura ka reaguar pas vdekjes tragjike dje të Arben Halimit.

Nura deklaroi se vdekja e Arbenit nuk është vetëm dhimbje për familjen Halimi, por plagë e rëndë për Qirezin

“Arbeni u nda nga jeta shumë herët, në moshën kur ëndrrat sapo kishin filluar të merrnin formë, duke lënë pas pikëllim të madh, boshllëk të pazëvendësueshëm dhe lot që nuk thahen lehtë. Humbja e tij nuk është vetëm dhimbje për familjen Halimi, por plagë e rëndë për Qirezin dhe për të gjithë ata që e njohën si djalë të mirë, të urtë dhe plot jetë.

Në këto momente të rënda, fjalët janë të pakta për të përshkruar dhimbjen, por lutjet tona janë të sinqerta. Zoti e mëshiroftë shpirtin e Arbenit dhe ia dhëntë Xhenetin, ndërsa familjes së tij, të afërmve dhe miqve ua lehtësoftë dhimbjen dhe u dhëntë forcë për ta përballuar këtë humbje të rëndë.

U prehsh në paqe, Arben. Kujtimi yt do të jetojë gjithmonë në zemrat tona.”, shkoi Nura