Dy të arrestuar në Pejë, u sekuestruan dy pistoleta dhe 17 fishekë

Dy persona janë arrestuar në Pejë nën dyshimin për veprat penale “mbajtja në pronësi, kontroll ose posedim i paautorizuar i armës” dhe “kanosja”.

Sipas Policisë së Kosovës, rasti ka ndodhur më 1 tetor, rreth orës 20:00, në rrugën “Kadri Bajri” në Pejë, ku policia ishte njoftuar se disa persona ishin përfshirë në një mosmarrëveshje.

Njësitë policore kanë dalë në vendin e ngjarjes dhe kanë ndërmarrë veprimet e nevojshme hetimore. Gjatë kontrollit te dy personat e dyshuar janë gjetur dhe sekuestruar:

një pistoletë CZ;

një pistoletë Zoraki;

dy karikatorë;

17 fishekë të kalibrave të ndryshëm.

Pas intervistimit dhe përfundimit të procedurave policore, të dyshuarit janë dërguar në mbajtje për 48 orë.