Kosova rikthehet në stërvitje pas fitores ndaj Irlandës, “Dardanët” përgatiten për Austrinë

Pas fitores 1-0 ndaj Irlandës, Kosova i është rikthyer menjëherë përgatitjeve për sfidën e radhës ndaj Austrisë në Ligën e Kombeve.

“Dardanët” zhvilluan sot seancën stërvitore, ku përzgjedhësi Franco Foda kishte në dispozicion 16 futbollistë.

Ndërkohë, 11-shja që e nisi ndeshjen ndaj Irlandës nga minuta e parë zhvilloi një seancë rigjeneruese në hotel.

Atmosfera në kampin e Kosovës është pozitive pas nisjes me fitore, ndërsa skuadra tashmë ka kthyer vëmendjen te përballja e së dielës në Vjenë ndaj Austrisë.

Ndeshja ndaj austriakëve pritet të jetë një tjetër test i rëndësishëm për skuadrën e Fodës, e cila synon të vazhdojë me rezultate pozitive në Ligën e Kombeve.