Jules Kounde kritikoi ekzistencën e ndeshjes për vendin e tretë në Kupën e Botës 2026, pasi Franca humbi 4-6 ndaj Anglisë.
Mbrojtësi francez shpjegoi se është e vështirë ta luash këtë ndeshje kur ata janë përgatitur mendërisht dhe fizikisht me qëllimin e vetëm për të arritur në finalen e madhe.
“Ajo për të cilën më vjen më shumë keq është mosarritja në finale. Personalisht, besoj se është një ndeshje që nuk duhet të luhet fare, sepse është tepër e vështirë për një konkurrent ta luajë atë pasi është përgatitur vetëm për një qëllim: Finalen. Megjithatë, duhet të kishim bërë më mirë. Në përgjithësi, lamë një përshtypje të mirë dhe njerëzit kënaqeshin duke na parë të luanim, por një përfundim i tillë lë një shije të hidhur”, tha Kounde për L’Equipe.
Po kështu, mbrojtësi i Barcelonës u pendua që nuk mundi t’i jepte Didier Deschamps një gëzim të fundit, pasi ai do të largohet nga stoli i Bleus pas 14 vitesh.
