Përfaqësuesja e Kosovës në boks ka nisur fazën vendimtare të përgatitjeve për Kampionatin Evropian, duke zhvilluar një kamp ndërkombëtar në Sofje të Bullgarisë, në prag të garës më të rëndësishme të vitit.
Ekipi kosovar udhëtoi më 7 shtator, ndërsa pjesë e kampit janë kampionia e Mesdheut në kategorinë 60 kilogramë, Donjeta Sadiku, dhe selektorja e Kosovës, Marjola Sallauka
Gjatë periudhës 7–15 shtator, boksierët do të zhvillojnë përgatitje intensive me sportistë nga vende të ndryshme, me synimin për të arritur formën optimale para Kampionatit Evropian, i cili do të mbahet nga 16 deri më 26 shtator 2026.
Evropiani i sivjetmë ka një peshë të veçantë, pasi pikët e fituara do të llogariten në renditjen botërore të World Boxing, duke e bërë këtë garë vendimtare për pozicionimin ndërkombëtar të boksierëve.
