“A je rahat pa mu”, kënga e Shpat Kasapit që sot i përlot të gjithë, Selvija e mbajti për muaj të tërë në heshtje

Një këngë e papublikuar, katër versione demo dhe një plan që nuk u realizua kurrë. Kjo është historia që fshihet pas projektit të ri muzikor të Shpat Kasapit, “A je rahat pa mu”, i cili tashmë është publikuar për publikun.

Ishte vetë Selvije Jao ajo që vendosi ta ndajë këtë histori me ndjekësit, duke treguar se projekti ishte përgatitur për një periudhë të rëndësishme në karrierën e këngëtarit.

Pak para se të hynte në “Big Brother VIP Albania 5”, Shpati ia kishte dërguar Selvijes katër versione të këngës, duke i kërkuar mendimin e saj. Ajo kishte zgjedhur njërin prej tyre, me planin që publikimi të bëhej gjatë qëndrimit të tij në spektakël.