Vigan Berisha, ka marrë pjesë në manifestimin përkujtimor të mbajtur më 8 nëntor 2026, në ambientet e Konsullatës së Përgjithshme të Kosovës në Cyrih, në nderim të heronjve të kombit, Afrim Zhitia dhe Fahri Fazliu.
Manifestimi u organizua me rastin e 37-vjetorit të rënies së tyre, ku u kujtua jeta, veprimtaria dhe sakrifica e dy heronjve për lirinë e Kosovës.
Në aktivitet pati fjalime përkujtimore nga përfaqësues të ndryshëm, familjarë të heronjve, recitime poetike dhe pika artistike.
Njoftimi:
Sot, më 8 nëntor 2026, në ambientet e Konsullatës së Përgjithshme të Republikës së Kosovës në Cyrih, u mbajt manifestimi përkujtimor në nderim të jetës, veprës dhe sakrificës së heronjve të kombit, Afrim Zhitia dhe Fahri Fazliu, me rastin e 37-vjetorit të rënies.
Manifestimi u hap me intonimin e himneve dhe një minutë heshtje në nderim të të rënëve për lirinë e Kosovës. Të pranishmëve iu drejtuam me një fjalë përshëndetëse.
Në vijim, për jetën, veprimtarinë dhe kontributin kombëtar të dy heronjve folën z.Fatmir Brajshori, z.Arben Krasniqi dhe z. Sali Sefa, ndërsa z. Ragip Shala mbajti fjalën në emër të Klubit Politik “Afrim Zhitia”.
Në emër të familjeve të heronjve, të pranishmëve iu drejtuan z. Selami Neziri, në emër të familjes Fazliu dhe znj. Sadete Zhitia, motra e heroit Afrim Zhitia, në emër të familjes Zhitia.
Programi u pasurua me recitim poetik nga Flora Tefa, si dhe me interpretimin e një poezie kushtuar dëshmorëve, të shkruar nga heroi Bahri Fazliu dhe të interpretuar nga Ramadan Morina. Një pikë artistike u prezantua edhe nga Flutura Bytyqi.
Manifestimi u drejtua nga z. Ramadan Morina.
Në përmbyllje të manifestimit, Konsulli i Republikës së Kosovës, z. Avni Zejnullahu, i dhuroi një buqetë me lule nënës Qamë.
Manifestimi shërbeu si një moment përkujtimi dhe nderimi për veprën e Afrim Zhitisë dhe Fahri Fazliut, si dhe për kontributin e tyre në rrugëtimin e Kosovës drejt lirisë.
Një falënderim të përzemërt i dedikojmë artistes Flutura Bytyqi, fotografëve Daut Luboja dhe Afrim Art, moderatorit Ramadan Morina.
Postimi:
