Disa qytetarë të komunës së Istogut, dje qysh nga orët e pasditës e deri te ato të vonat pas mesnatës, janë organizuar për t’iu dalë në ndihmë blegëtorëve të cilët mbetën të ngujuar në zona të thella si pasojë e reshjeve të dendura të borës.
Lajmin e kanë bërë të ditur vetë qytetarët, të cilët thanë se misioni i tyre është që t’i shpëtojnë të gjitha bagëtit.
Teksa treguan se u kanë dërguar ushqim blegëtorëve, me të cilët presin të zbresin sot në zonat më të rrafshta.
“Aksioni në bjeshkët e Istogut po vazhdon edhe në orët e mbrëmjes. Disa blegtorëve po iu dërgohet edhe ushqim ngase janë në zona të thella. Dhjetëra krerë lopë dhe qindra dele do të tentohet të shpëtohen këtë natë”, u tha në njoftimin e parë nga faqja lokale.
