Ushtria izraelite thotë se komandanti i lartë i Hezbollahut u vra në një sulm në Libanin jugor

Ushtria izraelite tha të dielën se ka vrarë një komandant të lartë të Hezbollahut, një ditë pasi kreu sulme vdekjeprurëse në Libanin jugor, shkruan CNN.

Abu Hassan Alaa “mori pjesë në avancimin e sulmeve të shumta terroriste kundër ushtarëve të IDF-së… përfshirë lëshimin e dronëve shpërthyes drejt ushtarëve të IDF-së në Libanin jugor”, tha ushtria izraelite.

Një valë sulmesh izraelite në Libanin jugor të shtunën vrau të paktën 11 persona, përfshirë gra dhe fëmijë, tha Ministria libaneze e Shëndetësisë.

Zyra e kryeministrit izraelit e kishte akuzuar Hezbollahun për shkeljen e armëpushimit dhe tha se tre ushtarë izraelitë u plagosën rëndë në një sulm të Hezbollahut në Libanin jugor.

Të shtunën, ushtria izraelite tha se goditi një seli të forcave elitare Radwan të Hezbollahut si kundërpërgjigje, duke vrarë atë që e përshkroi si një komandant batalioni dhe disa persona të tjerë.