Tirana sot pret liderët e Ballkanit Perëndimor, zhvillohet samiti “Our pathway to EU”

Në Pallatin e Brigadave në Tiranë, sot do të zhvillohet samiti Growth Plan “Our pathway to EU”.

Në këtë samit priten liderët e Ballkanit Perëndimor dhe Komisionerja për Zgjerimin e Bashkimit Evropian, Marta Kos ku pritet të diskutohet lidhur me planin e rritjes, integrimin ekonomik dhe transformimin e rajonit drejt Tregut të Bashkimit Evropian.

Kryeministri shqiptar, Edi Rama, ka nisur ditën pikërisht me këtë ngjarje.

Përmes një postimi në Facebook, ai u uroi të gjithë një ditë të mbarë, pas paralajmërimit për mbajtjen e samitit.

“Mirëmëngjes, dhe me një tjetër ditë mikpritjeje, si samiti i Growth Plan “Our Pathway to the EU”, tryeza mes liderëve të Ballkanit Perëndimor dhe Komisioneres për Zgjerimin e Bashkimit Europian, Marta Kos, ju uroj një ditë të mbarë”, ka shkruar Rama.