Thaçi: Ligji për gjuhët mbetet vetëm në letër pa plan financiar për zbatimin e tij

Kryetari i Partisë Demokratike Shqiptare, Menduh Thaçi, thotë se Ligji për përdorimin e gjuhëve do të jetë serioz vetëm kur të ketë një plan të qartë financiar për zbatimin e tij nga Ministria e Financave.

Sipas analizave të PDSH-së, për implementimin e plotë të ligjit nevojiten 470 milionë euro, përfshirë përgatitjen e kuadrove dhe pajisjen e institucioneve. Thaçi kërkon që shërbimet në sportelet e institucioneve të funksionojnë në dy gjuhë, në mënyrë që qytetarët të mos detyrohen të flasin në dy gjuhë.

Sipas Menduh Thaçit, zgjedhje të parakohshme nuk do të ketë pas humbjes së Bërvenicës edhe rënies së Vuçiqit. Sipas Thaçit, në Bërvenicë nuk kemi të bëjmë me atë se kush ka fituar, por me atë se qytetarët i dhanë një mesazh qeverisë se në çfarëdo zgjedhje që të kemi, ata nuk do t’i kenë më 61 deputetë.

Këto komente Thaçi i bëri në kuvendin e degës së Tetovës, ku si kryetar dege i PDSH-së u zgjodh Fatmir Tresi.