Një incident i rëndë ka ndodhur sot në shkollën fillore “Pavarësia” në Prishtinë, ku një mësimdhënës dyshohet se ka ushtruar dhunë fizike ndaj një nxënësi, duke e goditur disa herë.
Rastin e ka konfirmuar zëdhënësi i Policisë për Rajonin e Prishtinës, Enis Pllana.
Ai bëri të ditur se njësitet policore kanë dalë menjëherë në vendngjarje dhe kanë shoqëruar palët e përfshira.
“Sot rreth orës 12:00 kemi pranuar informatën për një rast sulmi fizik të ndodhur në një shkollë fillore në Prishtinë. Menjëherë policia ka dalë në vendin e ngjarjes dhe ka shoqëruar në stacion policor palët e përfshira në rast. Aktualisht policia, në koordinim me Prokurorinë, ka nisur një hetim për zbardhjen e rrethanave të ngjarjes” , deklaroi Pllana.
