Ish-kryediplomati i Kosovës, Petrit Selimi, përmes një postimi në platformën ‘’X’’, ka thënë se, një diplomat i Bashkimit Evropian, i ka thënë atij se Brukseli dhe disa kryeqytete evropiane po reagojnë lidhur me Ligjin për Specialen ‘’nën presionin e Serbisë’’.
Selimi, në postimin e tij ka thënë se ministria e Jashtme e Kosovës, uhej t’u kishte dërguar nota verbale të gjithë donatorëve të Dhomave të Specializuara të Kosovës (DhSK), duke shpjeguar ligjin, garancitë për viktimat dhe argumentet në favor të reformave pas përfundimit të procedurave të apelit.
Ai ka thënë edhe se, Albin Kurti dhe, Glauk Konjufca, do të duhej të kishin nisur tashmë kontaktet me homologët e tyre, në vend që t’ia linin Serbisë nismën diplomatike.
‘’ Ligji duhet të shpjegohet gjithashtu nga ekspertë ndërkombëtarë të së drejtës dhe organizata për të drejtat e njeriut. Ai duhet të hapë negociata serioze ndërmjet Kosovës dhe BE-së për mbylljen përfundimtare të Dhomave të Specializuara, përgjegjësinë institucionale dhe interesat kombëtare të Kosovës, pa ndërhyrë në apelet që janë ende në shqyrtim’’, ka shkruar ai mes tjerash.
Postimi:
Një diplomat i BE-së më thotë se Brukseli dhe disa kryeqytete evropiane po reagojnë ndaj ligjit të Kosovës për Dhomat e Specializuara nën presionin e Serbisë. Beogradi “kërkoi” dënim të ngjashëm me reagimin e Evropës ndaj funeralit të Ratko Mladićit. Por Serbia po manipulon perceptimin e realitetit, ndërsa ne po qëndrojmë plotësisht të heshtur.
Ministria e Punëve të Jashtme e Kosovës duhej t’u kishte dërguar nota verbale të gjithë donatorëve të Dhomave të Specializuara të Kosovës (DhSK), duke shpjeguar ligjin, garancitë për viktimat dhe argumentet në favor të reformave pas përfundimit të procedurave të apelit. Kryeministri dhe ministri i Punëve të Jashtme duhej të kishin nisur tashmë kontaktet me homologët e tyre, në vend që t’ia linin Serbisë nismën diplomatike.
Ligji duhet të shpjegohet gjithashtu nga ekspertë ndërkombëtarë të së drejtës dhe organizata për të drejtat e njeriut. Ai duhet të hapë negociata serioze ndërmjet Kosovës dhe BE-së për mbylljen përfundimtare të Dhomave të Specializuara, përgjegjësinë institucionale dhe interesat kombëtare të Kosovës, pa ndërhyrë në apelet që janë ende në shqyrtim.
Miratimi i ligjit ishte vetëm hapi i parë. Kuvendi duhet të krijojë një komision për zbatimin e tij. Qeveria dhe opozita duhet të bashkërendojnë përpjekjet diplomatike dhe lobuese. Një agjendë më e gjerë politike duhet të përfshijë anëtarësimin në Këshillin e Evropës dhe qasjen në Gjykatën Evropiane për të Drejtat e Njeriut.
