Edhe deputetja e LDK-së, Janina Ymeri ka reaguar lidhur me vizitën zyrtare në Serbi të zyrtarëve të Trainkosit për riparimin e vagoëve të trenit.
Për këtë rast, raportoi Klan Kosova pasi që kjo ndërmarrje që pronare ka Qeverinë e Kosovës, ka ndërmarrë masa ndaj punëtorit të saj që kishte treguar publikisht për vizitën në Serbi.
Ymeri në një reagim në rrjetin social Facebook, ka shkruar se riparimi i vagonëve në Serbi ka ndodhur edhe vitet e tjera.
“Riparim te vagonëve në Serbi paska pas në fundvit të 2024, po pse në 2025 nuk ka pas transport të mallrave me vagonë treni?! Riparim a prishje 100%? Kjo nuk ka ndodh më herët të paktën brenda 10 viteve.”, ka shkruar ajo, duke shpërndarë edhe një dokument të transportit hekurodhor.
Për këtë rast, pak më parë ka reaguar edhe ish-deputeti i Aleancës, Daut Haradinaj ku ka publikuar dokumentin e vizitës zyrtare në Serbi të zyrtarëve të Trainkosit për riparimin e vagonëve të trenit
