Rama: Mundësi të barabarta që gratë të marrin pjesë dhe të udhëheqin

Kryetari i Prishtinës, Përparim Rama, ka marrë pjesë në konferencën ndërkombëtare “Partneritetet për Ndryshim: Gratë që Transformojnë Sistemet”.

Në një postim, Rama tha se në konferencë u diskutua për avancimin e Parimeve të Prishtinës 2026–2035 dhe përgjegjësinë e qyteteve e institucioneve për të krijuar mundësi të barabarta për gratë.

“Kur gratë transformojnë sistemet, ndryshon e ardhmja e të gjithëve”, shkroi ai.

Rama e lidhi pjesëmarrjen dhe udhëheqjen e grave edhe me mundësitë për brezat e ardhshëm.

“Fuqia e grave nuk hap vetëm dyer por krijon mundësi për brezat që vijnë.”