Qindra të rinj e të reja, veteranë të luftës, invalidë, familjarë të dëshmorëve dhe qytetarë u bashkuan sot në Marshin Përkujtimor, organizuar në nderim të dëshmorëve të Brigadës 121 “Kumanova” dhe të gjithë dëshmorëve të kombit.
Marshi nisi nga Bajraku i Luzhnicës, vendi ku ra Komandant Kumanova, dhe vazhdoi drejt Memorialit të Dëshmorëve në Kleçkë, si dhe te Shkronjat e UÇK-së.
Në kuadër të aktivitetit, pjesëmarrësit dhuruan edhe gjak, duke e shoqëruar përkujtimin me një akt solidariteti dhe humanizmi.
