Kalo te përmbajtja
Demos
Keni lajm?
  • Çka ka 3?
  • Lajme
  • Ndërkombëtare
  • Sport
  • Video
  • Magazine
  • Teknologji
  • Stil
  • Këndvështrime
Menyja
  • Ballina
  • Çka ka 3?
  • Lajme
  • Ndërkombëtare
  • Sport
  • Video
  • Magazine
  • Teknologji
  • Stil
  • Këndvështrime
Pamja
Demos

Gazeta Demos ngadalë por sigurt, po bëhet burim i besueshëm i informacionit, i hapur ndaj opinionit publik, duke i trajtuar të gjithë të barabartë. Gazeta Demos është shenjë identifikuese e fjalës së lirë, gjithnjë në frymën e demokracisë prej nga buron edhe emri i saj.

Rubrikat

VideoLajmeNdërkombëtareSportMagazineTeknologjiStilKëndvështrime

Demos

Rreth neshPolitika editorialeKontaktPrivatësiaKeni lajm?
Gazeta Demos SH.P.KRr. “Uran Ajeti”, 68, Prishtinëinfo@gazetademos.commarketing@gazetademos.comTel: +383 48 579 555
© 2026 Demos. Të gjitha të drejtat e rezervuara. v 1.0.2
Lajme

Prokuroria në Prizren kërkon paraburgimin ndaj dy të dyshuarve për fajde dhe detyrim

GD
Gazeta Demos30 shtator 2026 në 16:36
Prokuroria në Prizren kërkon paraburgimin ndaj dy të dyshuarve për fajde dhe detyrim

Prokuroria Themelore në Prizren – Departamenti i Krimeve të Rënda, njofton opinionin publik se ka kërkuar nga Gjykata Themelore në Prizren, caktimin e masës së paraburgimit në afat prej 30 ditësh, ndaj të pandehurit V.H., për kryerjen e veprave penale “Fajdeja” nga neni 331, “Detyrimi” nga neni 328 si dhe “Mbajtja në pronësi, kontroll ose posedim të paautorizuar të armëve” nga neni 366 të KPRK-së, dhe për te pandehurin tjetër D.E., për shkak të veprës penale “Fajdeja” në ndihmë nga neni 331 lidhur me nenin 33 të Kodit Penal të Republikës së Kosovës (KPRK).

Sipas dyshimeve të bazuara që rezultojnë nga hetimet e zhvilluara, i pandehuri V.H., gjatë periudhës nga viti 2025 deri më 29 shtator 2026, në Prizren, duke shfrytëzuar gjendjen e rëndë financiare dhe personale të të dëmtuarit, dyshohet se i ka dhënë shuma të ndryshme parash me kamata mujore në përqindje të larta, duke përfituar shuma dukshëm joproporcionale në raport me paratë e dhëna.

Sipas hetimeve, i dëmtuari ka marrë të holla me kamatë mujore prej 20%. Nga hetimet rezulton se vetëm në emër të kamatave dhe kamatëvonesave, pa llogaritur borxhin bazë, i dëmtuari ka paguar shuma të konsiderueshme, dhe atë shumën në total prej 56,200 euro.

Në kuadër të veprimeve hetimore, më 29 shtator 2026, pas takimit të të pandehurve me të dëmtuarin në një lokal në fshatin Krushë e Madhe, të njëjtit kanë hyrë në një automjet, ku i dëmtuari i ka dorëzuar të pandehurit shumën prej 15,000 euro, në emër të kamatave. Në atë moment kanë ndërhyrë zyrtarët policorë dhe dy të pandehurit janë arrestuar në flagrancë.

Po ashtu, sipas dyshimeve të Prokurorisë, në vazhdimësi i pandehuri V.H., ka ushtruar presion dhe kanosje ndaj të dëmtuarit, duke i kërkuar pagesën e shumave të konsiderueshme në emër të kamatave dhe borxhit, duke i shkaktuar atij frikë, ankth, pasiguri dhe shqetësim për jetën e tij.

Ndërkaq, i pandehuri D.E., dyshohet se ka ndihmuar në kryerjen e veprës penale “Fajdeja”, duke pranuar në emër të tij pagesa të kamatave të bëra nga i dëmtuari përmes një institucioni mikrofinanciar, të cilat më pas dyshohet se ia ka dorëzuar të pandehurit V.H.

Gjatë zbatimit të urdhrit të kontrollit në shtëpinë e të pandehurit V.H., zyrtarët policorë kanë gjetur dhe sekuestruar një pushkë me dylbi, për të cilën i pandehuri nuk posedonte leje valide nga organi kompetent.

Prokuroria Themelore në Prizren mbetet e përkushtuar në luftimin e veprave penale kundër pasurisë, si dhe të gjitha formave të presionit, kanosjes dhe përfitimit të kundërligjshëm, dhe do të vazhdojë ndërmarrjen e veprimeve të nevojshme ligjore për zbardhjen e plotë të rastit

prizrenprokuroriandaj

Të ngjashme

Operacioni “Heshtja”, Prokuroria: Do të kërkohet paraburgim për të arrestuarin e fundit, dyshohet për narkotik

Operacioni “Heshtja”, Prokuroria: Do të kërkohet paraburgim për të arrestuarin e fundit, dyshohet për narkotik

10:40
Dyshohen për 3 mijë e 800 euro të falsifikuara në Prizren, paratë u deponuan nga gjashtë klientë në bankë

Dyshohen për 3 mijë e 800 euro të falsifikuara në Prizren, paratë u deponuan nga gjashtë klientë në bankë

09:47
Publikohet formacioni i Kosovës, shumë ndryshime në përballjen ndaj Irlandës

Publikohet formacioni i Kosovës, shumë ndryshime në përballjen ndaj Irlandës

20:20
“Duhet me u pushkatu” -Skender Llugiqi mohon akuzat për kanosje ndaj Ramush Haradinajt

“Duhet me u pushkatu” -Skender Llugiqi mohon akuzat për kanosje ndaj Ramush Haradinajt

12:55

Më shumë nga Lajme

  • 23:32Ish-këshilltari i Krasniqit: Baca Jakup do të kthehet shpejt në Kosovë
  • 23:31Atifete Jahjaga merr pjesë në ceremoninë e ndarjes së Medaljes së Artë të Kongresit Amerikan
  • 22:57Haradinaj: Pamjet e EULEX-it para shtëpisë së Krasniqit janë poshtërim i shtetit të Kosovës
  • 22:29Inspektorati i Punës apelon për kujdes nga erërat e forta, "punëdhënësit të shtojnë masat e sigurisë"
  • 22:27Kënga nacionaliste serbe në Bruksel, eurodeputeti belg ia kujton Kosit krimet e Millosheviqit në Kosovë