KF Rilindja 1974 ka njoftuar se futbollisti Blendi Morina i ka dhënë fund karrierës si futbollist profesionist.
Megjithatë, Morina nuk do të largohet nga klubi, pasi do të vazhdojë të jetë pjesë e tij në një rol të ri, atë të trajnerit të përgatitjes fizike.
Lajmi është bërë i ditur nga vetë klubi përmes një njoftimi, ku ka falënderuar Morinën për përkushtimin, sakrificën dhe kontributin e dhënë ndër vite.
Kështu, Morina nis një kapitull të ri në karrierën e tij, këtë herë jashtë fushës së lojës, por sërish në shërbim të Rilindjes 1974.
