Shefi i Zyrës së Bashkimit Evropian në Kosovë, Aivo Orav ka pritur në takim ambasadorin e Sllovenisë, Borut Blaj.
Rreth këtij takimi, Orav ka shkruar në llogarinë e tij në X.
“Kënaqësi që e mirëpres sot Ambasadorin e sapoardhur të Sllovenisë në Kosovë, Borut Blaj”.
Zyrtari evropian ka treguar se me diplomatin slloven kanë folur për progresin e Kosovës drejt Bashkimit Evropian.
“Diskutimi ynë nënvizoi rëndësinë e bashkëpunimit si familje e BE-së, për të mbështetur progresin e Kosovës në rrugën e saj drejt Bashkimit Evropian”, deklaroi ai.
