“Pacientët që deri sot janë detyruar të largohen nga Kosova për shërim në Turqi apo në vende të tjera të Evropës, më nuk do të kenë nevojë ta bëjnë këtë”.
Kështu ka njoftuar kandidati i PDK-së për deputet me numër 99, Isak Neziri. I njëjti njofton se kjo marrëveshje ka arritur falë bashkëpunimit me AOK Bayern dhe TC Medical Point.
“Falë marrëveshjes jashtëzakonisht të rëndësishme që kam arritur me AOK Bayern dhe TC Medical Point, qytetarët tanë do ta kenë më afër trajtimin që deri dje detyroheshin ta kërkonin jashtë vendit. Me mjekë profesionistë, pajisje moderne dhe trajtim dinjitoz e cilësor, gjithçka po bëhet që shërbimi më i mirë të jetë pranë tyre, këtu në Kosovë.
Neziri gjithashtu shtoi se i gjithë angazhimi i tij ka qenë, është dhe do të mbetet në shërbim të qytetarëve.
