Kandidati i AAK-së për deputet, Mehmet Klinaku, ka zhvilluar një takim me Nasim Haradinajn, i cili e priti si mysafir në odën e tij, bashkë me kandidatin Arton Demhasaj.
Klinaku e cilësoi takimin si një kënaqësi të veçantë, duke theksuar rolin e rëndësishëm të Nasim Haradinajt në UÇK, veprimtarinë e tij ndër vite dhe përballjen pa frikë në Gjykatën Speciale, të cilën e konsideroi si mekanizëm të ndërtuar padrejtësisht.
I plotë:
Ishte kënaqësi që bashkë me kandidatin Arton Demhasaj ta takoj Nasim Haradinajn, si mysafir në odën e tij.
Të gjithë e dijmë rolin e tij në UCK, të gjithë e njohim aktivitetin dhe veprimtarinë e tij, e deri tek përballja pa frikë në Gjykatën Speciale, një mekanizëm i ndërtuar padrejtësisht. Përkrahja që mora nga Nasimi, mbi të gjitha është përgjegjësi e lartë për rrugën që kam ndërmarr.
Ajo që zotohem, është se jo vetëm ndaj atyre që po na japin krah, por ndaj të gjithve, do të jem nesër krah jush!