Maqedonci: Kosova po ndërton partneritete me aleatët

Ministri i Mbrojtjes Ejup Maqedonci ka zhvilluar takim me homologun nga Belgjika Theo Francken

Në këtë takim siç ka njoftuar Maqedonici është diskutuar për bashkëpunimin në fushën e mbrojtjes dhe sigurisë

“Diskutuam për thellimin e bashkëpunimit ndërmjet Kosovës dhe Belgjikës në fushën e mbrojtjes dhe sigurisë, me fokus të veçantë në zhvillimin e industrisë së mbrojtjes, rritjen e bashkëpunimit ndërmjet ushtrive tona përmes trajnimeve të përbashkëta, si dhe mundësitë për shkëmbimin e oficerëve për shkollimin dhe avancimin profesional të tyre. Një hap i rëndësishëm në këtë drejtim është edhe akreditimi i Atasheut të Mbrojtjes të Republikës së Kosovës në Belgjikë, i cili pritet të zyrtarizohet së shpejti dhe do të kontribuojë drejtpërdrejt në forcimin e bashkëpunimit tonë institucional dhe ushtarak”, ka shkruar Maqedonci

Ai ka thënë se Kosova po ndërton partneritete të forta me aleatët tanë dhe po avancon me vendosmëri drejt forcimit të kapaciteteve të mbrojtjes dhe integrimit euroatlantik.