Lladrovci: Qytetarë të komunës së Drenasit, gëzuar titulli i tetë i kampionit në qeverisjen lokale

Pas publikimit të rezultateve në garën e Granit të performancës komunale, ku komuna e Drenasit është e para për herë të tetë, kryetari i Drenasit, Ramiz Lladrovci ka përgëzuar duke deklaruar se qytetarët e Drenasit, nga zemra e Kosovës, me kontribut të jashtëzakonshëm për çlirimin e vendit dhe shtetndërtim, kanë qenë, janë dhe mbesin kampion.

Postimi i plotë i Lladrovcit:

Qytetarë të komunës së Drenasit, gëzuar titulli i tetë i kampionit në qeverisjen lokale!

Drenasi, tetë herë kampion i qeverisjes së mirë, transparente e llogaridhënëse, është arritje e qytetarëve të cilët bashkëpunuan dhe kontribuan për këtë çmim në nivel nacional.

Tetë herë kampion, flet për përkushtimin e Asamblesë për të vepruar në mënyrë efikase e përtej interesave partiake, është dëshmi e përkushtimit të Kabinetit tim dhe administratës profesionale në shërbim të qytetarëve.

Falënderim i veçantë shkon për ekipin e Grantit të performancës në komunën tonë në krye me Afrim Prokshin, si dhe institucionet ndërkombëtare, ambasadat e Suedisë dhe Zvicrës, Zyra e BE-së dhe MAPL.

Barazia para ligjit dhe zbatimi i tij, janë norma të instaluara në komunën tonë shumë vite përpara, tashmë, korrim rezultate në vijim, hera e tetë kampion të qeverisjes lokale.

Kemi punuar dhe kemi shumë punë për të bërë, qytetarët e Drenasit, nga zemra e Kosovës, me kontribut të jashtëzakonshëm për çlirimin e vendit dhe shtetndërtim, kanë qenë, janë dhe mbesin kampion.

Qytetarë të komunës së Drenasit, qytetarë kampionë, gëzuar titulli i tetë!