Kusari-Lila: PDK e LDK menduan se moskandidimi i Osmanit do të na dobësonte dhe kërkuan zgjedhje

Mimoza Kusari-Lila, ministre e Industrisë, Ndërmarrësisë dhe Inovacionit, ka thënë se zgjedhjet e reja nuk do të prodhojnë rezultat që do të ofrojë zgjidhje.

Ajo ka thënë se diskutimi dhe nevoja për marrëveshje për zgjedhjen e presidentit do të jetë i nevojshëm edhe pas zgjedhjeve të reja eventuale.

“Jo domosdoshmërish do të sjellë ndryshime përmbajtjesore apo qartësi me rezultatin pas zgjedhor të forcave politike në vend dhe domosdoshmërinë prapë të uljes, diskutimit për koalicionet. Nuk pritet që të ketë ndonjë ndryshim të madh apo përmbajtjesor, çështja e presidentit është si tash si pas zgjedhjeve, të njëjtin proces të uljes në tavolinë të subjekteve politike”, ka thënë ajo në Tëvë1.

Kusari- Lila ka thënë personalisht ka pritur që diskutimet e Kurtit me PDK-në e LDK-në do të përfundonin me rezultat pozitiv.

Por, ajo ka thënë se nga këto dy parti në momentin që u kuptua se Vjosa Osmani nuk do të jetë kandidate, u krijua përshtypaj se mund të shkohet në zgjedhje.

“Unë kam fitua bindjen që partitë e opozitës, në veçanti PDK-ja dhe LDK-ja, në marrjen e konfirmimit se znj.Osmani nuk është kandidate e propozuar nga koalicioni, atëherë e krijuar bindjen që ky koalicion është më i dobët dhe e krijuan bindjen që është më mirë të shkohet në zgjedhje. Kjo nuk mund të anashkalohet dhe të thuhet se ka qenë vullneti i tyre për të gjet kandidat konsensual”, tha ajo.