“Moska ta ndalë luftën”, kryediplomati gjerman e telefonon homologun e Ukrainës menjëherë pas takimit me Lavrov

Andrii Sybiha, ministër i Punëve të Jashtme të Ukrainës, ka njoftuar për një telefonatë që ai ka zhvilluar me kryediplomatin gjerman Johann Wadephul.

Siç thekson edhe ministri ukrainas, biseda mes tyre u zhvillua pas takimit që kryediplomati gjerman pati me Lavrovin.

Kryediplomati ukrainas, në postimin e tij, bën të ditur se Wadephul e informoi atë për takimin që ky i fundit pati me Lavrovin, dhe se të dy ata diskutuan për hapat e ardhshëm ‘’të përbashkët për të çuar përpara përpjekjet për paqe dhe për të arritur një armëpushim’’.

”I jam mirënjohës Ministrit Wadephul që i përcolli palës ruse qëndrimet tona të përbashkëta të forta: këmbënguljen që Moska të përfundojë luftën e saj, riafirmimin e mbështetjes së palëkundur për Ukrainën dhe paralajmërimin kundër veprimeve të mëtejshme armiqësore kundër Evropës”, shkruan mes tjerash kryediplomati ukrainas.

Postimi i kryediplomatit ukrainas:

Pata një telefonatë me Johann Wadephul.

Kolegu im gjerman më informoi mbi rezultatet e bisedës së tij me Ministrin e Jashtëm rus në Asamblenë e Përgjithshme të OKB-së.

I jam mirënjohës Ministrit Wadephul që i përcolli palës ruse qëndrimet tona të përbashkëta të forta: këmbënguljen që Moska të përfundojë luftën e saj, riafirmimin e mbështetjes së palëkundur për Ukrainën dhe paralajmërimin kundër veprimeve të mëtejshme armiqësore kundër Evropës.

Diskutuam hapat e ardhshëm të përbashkët për të çuar përpara përpjekjet për paqe dhe për të arritur një armëpushim.

Folëm gjithashtu për mënyrat për të rritur presionin mbi Rusinë dhe për të forcuar qëndrueshmërinë e Ukrainës përpara dimrit.

E falënderova Gjermaninë për udhëheqjen e saj në mbështetjen e Ukrainës.