Kalo te përmbajtja
Demos
Keni lajm?
  • Çka ka 3?
  • Lajme
  • Ndërkombëtare
  • Sport
  • Video
  • Magazine
  • Teknologji
  • Stil
  • Këndvështrime
Menyja
  • Ballina
  • Çka ka 3?
  • Lajme
  • Ndërkombëtare
  • Sport
  • Video
  • Magazine
  • Teknologji
  • Stil
  • Këndvështrime
Pamja
Demos

Gazeta Demos ngadalë por sigurt, po bëhet burim i besueshëm i informacionit, i hapur ndaj opinionit publik, duke i trajtuar të gjithë të barabartë. Gazeta Demos është shenjë identifikuese e fjalës së lirë, gjithnjë në frymën e demokracisë prej nga buron edhe emri i saj.

Rubrikat

VideoLajmeNdërkombëtareSportMagazineTeknologjiStilKëndvështrime

Demos

Rreth neshPolitika editorialeKontaktPrivatësiaKeni lajm?
Gazeta Demos SH.P.KRr. “Uran Ajeti”, 68, Prishtinëinfo@gazetademos.commarketing@gazetademos.comTel: +383 48 579 555
© 2026 Demos. Të gjitha të drejtat e rezervuara. v 1.0.2
Lajme

Kryeministri Janez Jansha thotë se punëtorët nga Kosova s’janë vlerë e shtuar për Slloveninë

GD
Gazeta Demos3 tetor 2026 në 18:57
Kryeministri Janez Jansha thotë se punëtorët nga Kosova s’janë vlerë e shtuar për Slloveninë

Kryeministri slloven, Janez Jansa, ka thënë se punëtorët nga Kosova ‘’nuk janë vlerë e shtuar’’ për Slloveninë nga ”këndvështrimi kombëtar”.

Sipas Jansas, Sllovenia ndodhet në një pikë kthese sa i përket përcaktimit të drejtimit të ardhshëm të zhvillimit. Problemin kryesor kryeministri e sheh te aparati shtetëror i tejzgjeruar, me 22 mijë rregullore dhe gati 200 mijë të punësuar në sektorin publik. Ai kritikoi njëkohësisht importimin e fuqisë së lirë punëtore dhe përmendi 150 mijë leje pune për të huajt të lëshuara vitin e kaluar.

“Dikush që vjen nga Kosova dhe punon në një ndërmarrje komunale, merr pagë minimale dhe sjell edhe familjen e tij, nga këndvështrimi kombëtar, thjesht nuk është vlerë e shtuar”, tha ai, raporton Vecer.

Aka thënë se jeta në Slloveni nuk është e keqe, porse është e nevojshme një drejtim i ri zhvillimi. Ai ka kritikuar ashpër atë që, sipas tij, është një burokraci shtetërore e tejzmadhuar dhe theksoi rëndësinë e referendumit të ardhshëm për ligjin ndërhyrës për zhvillimin e Sllovenisë.

Ai paralajmëroi për një politikë të gabuar migracioni dhe vuri në dukje afrimin e shpejtë të Kroacisë fqinje me standardin ekonomik të Sllovenisë.

Sipas fjalëve të Jansas, shteti gjatë periudhës së kaluar thjesht ka mbuluar boshllëkun në buxhet për të përballuar kostot e reformës së fundit të pagave në sektorin publik, pagesën e bonusit të detyrueshëm të Krishtlindjeve, përkatësisht shtesës dimërore, si dhe rritjen rekord të pagës minimale. Megjithatë, kryeministri theksoi edhe një sërë faktesh pozitive lidhur me situatën në vend.

Para menaxherëve të mbledhur, ai theksoi se jeta në Slloveni nuk është e keqe dhe rikujtoi parashikimet e rritura për rritjen ekonomike.

“Nuk jemi nën ujë dhe nuk jemi fundosur, prandaj mund t’i zgjidhim sfidat pa një shtrëngim të krizës përmes masave të kursimit”, u shpreh ai qartë.

Referendumin e ardhshëm për ligjin ndërhyrës për zhvillimin e Sllovenisë, Janša e cilësoi si një betejë kyçe mes “konceptit të zhvillimit dhe konceptit të zilisë”, ndërsa, sipas tij, rezultati i referendumit do të përcaktojë në planin afatgjatë fatin e mjedisit të biznesit në Slloveni.

Vendimi i votuesve, sipas Janšas, do të përcaktojë se sa vlerësohen dija dhe puna, ndërsa në rast të fitores së asaj që ai e quajti “drejtim kundër zhvillimit”, vendin, sipas tij, e pret një “rrënim i pashmangshëm zhvillimor”.

Kryeministri gjithashtu sulmoi ashpër Gjykatën Kushtetuese për vendimin e saj për të lejuar mbajtjen e referendumit, pavarësisht, sipas tij, natyrës së dukshme fiskale të ligjit.

kryeministrikosovavlerë

Të ngjashme

Bie gongu në Big Brother VIP Kosova, çmimi i madh zbret për 15 mijë euro

Bie gongu në Big Brother VIP Kosova, çmimi i madh zbret për 15 mijë euro

09:43
Pa investime në kapacitete të reja, Kosova rrezikon reduktime të rrymës edhe këtë dimër

Pa investime në kapacitete të reja, Kosova rrezikon reduktime të rrymës edhe këtë dimër

16:46
Ekspertët amerikanë: Tërheqja e 600 ushtarëve nga Kosova do t’i dhuronte Rusisë fitore strategjike

Ekspertët amerikanë: Tërheqja e 600 ushtarëve nga Kosova do t’i dhuronte Rusisë fitore strategjike

15:40
Balla poston videon e Jakup Krasniqit: Shqipëria dhe Kosova i duan në shtëpi komandantët e lirisë

Balla poston videon e Jakup Krasniqit: Shqipëria dhe Kosova i duan në shtëpi komandantët e lirisë

11:38

Më shumë nga Lajme

  • 19:55Përfundon pjesa me shkrim e Provimit të Jurisprudencës
  • 19:49‘Studentët’ reagojnë për ligjin e Inspektoratit të Trashëgimisë Kulturore me gjuhë fyese ndaj Kosovës – përmendin garancitë e Ahtisaarit
  • 19:47Dyshimet për mbetje mortore, ekipet kthehen sërish në veri
  • 19:47Shiriti i dasmës tradhtoi hajdutët në Ballsh, si u grabitën 43 mijë euro?
  • 19:04I dënuar për drogë në Britani, shqiptari kundërshton dëbimin: Partnerja ime ka probleme të shëndetit mendor