Kalo te përmbajtja
Demos
Keni lajm?
  • Çka ka 3?
  • Lajme
  • Ndërkombëtare
  • Sport
  • Video
  • Magazine
  • Teknologji
  • Stil
  • Këndvështrime
Menyja
  • Ballina
  • Çka ka 3?
  • Lajme
  • Ndërkombëtare
  • Sport
  • Video
  • Magazine
  • Teknologji
  • Stil
  • Këndvështrime
Pamja
Demos

Gazeta Demos ngadalë por sigurt, po bëhet burim i besueshëm i informacionit, i hapur ndaj opinionit publik, duke i trajtuar të gjithë të barabartë. Gazeta Demos është shenjë identifikuese e fjalës së lirë, gjithnjë në frymën e demokracisë prej nga buron edhe emri i saj.

Rubrikat

VideoLajmeNdërkombëtareSportMagazineTeknologjiStilKëndvështrime

Demos

Rreth neshPolitika editorialeKontaktPrivatësiaKeni lajm?
Gazeta Demos SH.P.KRr. “Uran Ajeti”, 68, Prishtinëinfo@gazetademos.commarketing@gazetademos.comTel: +383 48 579 555
© 2026 Demos. Të gjitha të drejtat e rezervuara. v 1.0.2
Lajme

Konstituimi i Kuvendit, AVONET dhe 13 organizata i drejtohen Kushtetueses

GD
Gazeta Demos12 gusht 2026 në 10:34
Konstituimi i Kuvendit, AVONET dhe 13 organizata i drejtohen Kushtetueses

AVONET, së bashku me 13 organizata të tjera të shoqërisë civile, i janë drejtuar Gjykatës Kushtetuese të Republikës së Kosovës me kërkesë për ndërmarrjen e veprimeve sipas detyrës zyrtare lidhur me zbatimin e Aktgjykimit KO124/25.

Kërkesa është dorëzuar pas zhvillimeve të fundit në procesin e konstituimit të Kuvendit të dalë nga zgjedhjet e 7 qershorit 2026. Sipas rezultateve përfundimtare, të certifikuara më 8 korrik 2026, afati 30-ditor për konstituimin e Kuvendit ka përfunduar më 7 gusht 2026.

Në Aktgjykimin KO124/25, Gjykata Kushtetuese ka sqaruar se afati 30-ditor për konstituimin e Kuvendit përbën detyrim kushtetues dhe se brenda këtij afati duhet të përfundojnë të gjitha veprimet kushtetuese që çojnë në konstituimin e plotë të Kuvendit.

Sipas këtij interpretimi, mbajtja e një seance që nuk përfundon me zgjedhjen e Kryetarit dhe Nënkryetarëve të Kuvendit nuk nënkupton se Kuvendi është konstituuar.

Në këtë rast, seanca konstituive e mbajtur më 6 gusht 2026 nuk ka përfunduar me konstituimin e plotë të Kuvendit, ndërsa vazhdimi i saj ishte caktuar për 8 gusht, pra pas përfundimit të afatit 30-ditor.

Për këtë arsye, AVONET dhe organizatat nënshkruese i kanë kërkuar Gjykatës Kushtetuese të vlerësojë nëse Aktgjykimi KO124/25 është zbatuar në përputhje me përcaktimet e tij dhe brenda afatit kushtetues.

Kërkesa është mbështetur në Rregullin 60 të Rregullores së Punës së Gjykatës Kushtetuese, i cili përcakton procedurën që ndiqet në rastet kur lind çështja e moszbatimit të një vendimi të Gjykatës.

Organizatat kanë kërkuar që, nëse konstatohet moszbatimi i Aktgjykimit KO124/25, Gjykata të ndërmarrë veprimet e parapara me Rregulloren e saj, përfshirë nxjerrjen e aktvendimit për moszbatim, përkatësisht mospërmbarim, si dhe hapat e tjerë që i konsideron të nevojshëm në kuadër të kompetencave dhe procedurave në fuqi.

AVONET vlerëson se kjo çështje ka rëndësi të veçantë për qytetarët, pasi lidhet drejtpërdrejt me funksionimin e institucioneve të dala nga zgjedhjet dhe respektimin e rendit kushtetues.

Organizata thekson se zbatimi i vendimeve të Gjykatës Kushtetuese është detyrim institucional dhe se proceset politike e institucionale duhet të zhvillohen brenda kufijve të përcaktuar nga Kushtetuta dhe rendi juridik.

Sipas AVONET-it, qëllimi i kërkesës është që çështja e zbatimit të Aktgjykimit KO124/25 të trajtohet përmes mekanizmave institucionalë dhe procedurave të përcaktuara me ligj, me synim sigurimin e qartësisë juridike dhe institucionale lidhur me procesin e konstituimit të Kuvendit.

kuvenditavonetkushtetuese

Të ngjashme

Prishtina letër deputetëve të Kuvendit për zhbllokimin e projektit për mbeturinat: Hekuran Murati s’po nënshkruan

Prishtina letër deputetëve të Kuvendit për zhbllokimin e projektit për mbeturinat: Hekuran Murati s’po nënshkruan

12:31

Më shumë nga Lajme

  • 14:24Hykmete Bajrami kërkon përgjigje publike nga ZRRE për licencën e kompanisë EFT
  • 14:19Djali i Dodikut mandatar i Qeverisë së re të Republikës Sërpska në Bosnjë-Hercegovinë
  • 14:12Ahmeti e Rama zhvillojnë takim vëllazëror, flasin për çështjet kombëtare
  • 14:09Në prag të 28 Nëntorit, flamuri kuqezi ngrihet në zemër të New Yorkut
  • 13:53Presidentja e RMV uron shqiptarët për Ditën e Alfabetit: Gjuha është themeli i identitetit kombëtar dhe kujtesës kolektive