Kërkonte largimin e fotografive të Thaçit e Veselit, aktivistit i publikohet fotoja me Millosheviqin prapa

Eksperti i sigurisë, Fadil Kajtazi, ka reaguar në lidhje me publikimin e një fotografie të aktivistit Shukri Retkoceri, me Millosheviqin, shkruan Gazeta Demos.

Ai ka thënë se në vitin 2007 kishte reaguar se atëkohë aktivistëve të çështjes kombëtare u vendosnin eksploziv në shtëpitë e tyre e që sipas tij pas këtij akti fshihen elementë të shërbimeve inteligjente serbe.

Kajtazi shkruan se ata kanë pasë për qëllim:

1. Të fusin frikë dhe panik te aktivistët politikë të përkushtuar dhe të nxisin luftë vëllavrasëse;

2.Të lajnë mëkatet e bashkëpunimit me Millosheviqin, ashtu si ky tipi në foto.

”Përndryshe, po të mos kishin qenë vegla të Millosheviqit ata që u vendosën eksplozivin familjeve shqiptare, ky person në foto nuk do të kishte pasur hapësirë për t’u tallur me shqiptarët”, shkruan ai.

Reagimi i plotë:

Kanë qenë disa trima që, në vitin 2007, shokëve të mi – aktivistëve të devotshëm të çështjes kombëtare – u vendosnin eksploziv në shtëpitë e tyre.

Unë atëherë pata reaguar në media, duke thënë se pas këtij akti fshihen elementë të shërbimeve inteligjente serbe – dhe ashtu mendoj edhe sot.

Qëllimi i tyre ka qenë:

1. Të fusin frikë dhe panik te aktivistët politikë të përkushtuar dhe të nxisin luftë vëllavrasëse;

2.Të lajnë mëkatet e bashkëpunimit me Millosheviqin, ashtu si ky tipi në foto.

Përndryshe, po të mos kishin qenë vegla të Millosheviqit ata që u vendosën eksplozivin familjeve shqiptare, ky person në foto nuk do të kishte pasur hapësirë për t’u tallur me shqiptarët.