Policia e Kosovës ka arrestuar një person nën dyshimin për kërcënim ndaj ministres, Donika Gërvalla. 32 vjeçari, përmes një postim të publikuar në Facebook, ka kanosur nga profili i tij në Facebook.
Sipas burimeve të medias lokale "SkenderajLive", i dyshuari është Patriot Brahimi, nga fshati Kozhiq i Skenderajt, djali i dëshmorit të kombit, Brahim Halimi – Çaka.
Postimi i referohej Donika Gërvallës dhe Vudi Xhymshitit me fjalët për “plumbin” dhe vendin “ku me rrok”.
“Është arrestuar i dyshuari mashkull kosovar për shkak se përmes rrjeteve sociale ka kanosur viktimën femër kosovare dhe viktimën mashkull kosovar. Me vendim të prokurorit i dyshuari pas intervistimit është dërguar në mbajtje”, thuhet në sqarimin e Policisë.
