“Hala s’po muj me besu”, babai i Granit Plavës ende i shokuar nga krimi i djalit të tij

Babai i Granit Plavës, njërit nga të akuzuarit për vrasjen e Liridona Ademajt, ende nuk mund ta besojë veprën që ka kryer djali i tij.

Në dokumentin e Forenzikës Psikiatrike, të siguruar Klan Kosovsa, babai i Granitit ka treguar se djali i tij ishte fëmijë me zhvillim normal, pa probleme dhe pak mendjelehtë.

“Graniti është djali i imi, ka qenë fëmijë me zhvillim normal, nuk ka bo probleme, o konë pak mendjelehtë, e ka pasë një aksident me motor në Skenderaj edhe tani e kanë bo operacion në Mitrovicë. Pas atij aksidenti, kanihere u ankoje që po i dhemb krytë, po probleme diçka nuk ka bo, mirë ka shku me gruan dhe me neve, ka punu me mu edhe nëpër firma, më së shumti në ndërtimtari. Nuk po mundem me besu hala çka ka ndodh”, lexohet në dëshminë e tij.

Në të njëjtin dokument, Granit Plava ka treguar se Naim Murseli ia kishte siguruar armën me plot 20 fishekë për të vrarë Liridona Ademajn më 29 nëntor 2023.

Ai ka shtuar gjithashtu se, në natën kritike, Naimi hapi xhamin e veturës, ndërsa Graniti qëlloi dhe më pas iku nga vendi i ngjarjes.