Gjykata Kushtetuese hedh poshtë kërkesën e Albulena Haxhiut, për procedurën e zgjedhjes së presidentit

Gjykata Kushtetuese e Republikës së Kosovës ka marrë vendim lidhur me rastin KO68/26, të parashtruar nga Albulena Haxhiu dhe nëntë deputetë të tjerë të Kuvendit, për vlerësimin e kushtetutshmërisë së procedurës për zgjedhjen e Presidentit të Republikës së Kosovës.

Sipas njoftimit zyrtar, Gjykata ka vendosur njëzëri që ta hedhë poshtë kërkesën e parashtruesve, duke mos gjetur bazë për kontestimin e procedurës në fjalë

Po ashtu, është refuzuar edhe kërkesa për vendosjen e masës së përkohshme.

Njoftimi i plotë:

Gjykata Kushtetuese e Republikës së Kosovës, më 30 mars 2026, ka vendosur për kërkesën me numër të rastit KO68/26, të parashtruar nga znj. Albulena Haxhiu dhe 9 (nëntë) deputetë të tjerë të Kuvendit të Republikës së Kosovës, për vlerësimin e kushtetutshmërisë së “procedurës për zgjedhjen e Presidentit të Republikës së Kosovës”.

Gjykata, njëzëri, vendosi:

I. TË HEDHË POSHTË kërkesën e parashtruesve të kërkesës;

II. TË REFUZOJË kërkesën për vendosjen e masës së përkohshme;

III. T’UA KUMTOJË këtë Vendim palëve;

IV. TA PUBLIKOJË këtë Vendim në Gazetën Zyrtare të Republikës së Kosovës, në pajtim me paragrafin 4 të nenit 20 (Vendimet) të Ligjit Nr. 03/L-121 për Gjykatën Kushtetuese të Republikës së Kosovës;

V. TË KONSTATOJË që ky Vendim hyn në fuqi menjëherë, në pajtim me paragrafin 5 të nenit 20 të Ligjit