Gjendet eksploziv në një hotel në Durrës

Policia e Durrësit ka njoftuar se është gjetur lëndë shpërthyese [eksploziv] në një hotel në qytet.

Sipas A2CNN, hoteli në fjalë është në pronësi të ish-kreut të bashkisë së qytetit bregdetar, Vangjush Dako.

Ndërsa policia ka bërë të ditur se lënda shpërthyese u gjet në një nga vazot e luleve të hotelit që ndodhet në lagjen nr.1 të qytetit.

Grupi hetimor, në bashkëpunim me Njësinë Antieksploziv të RENEA-s, po kryen veprimet për sqarimin e rrethanave, përcaktimin e llojit të lëndës së gjetur, si dhe identifikimin dhe kapjen e autorit.