Musliu e Shoshi në përkrahje të fuqishme për Bujën: Shpalosin programin që parasheh fuqizimin socio-ekonomik të grave

Dy deputetët e PDK-së, Ganimete Musliu dhe Ariana Musliu Shoshi, sonte kanë qenë në përkrahje të kandidatit për kryetar të komunës së Lipjanit, Shukri Buja.

Ata udhëtuan për në Shalë, ku zhvilluan një bashkëbisedim me gratë atje.

“Së bashku me deputetet e Kuvendit të Kosovës, znj. Ganimete Musliu dhe znj. Ariana Musliu Shoshi, si dhe me kandidatin tonë për Kuvendin Komunal, Edison Beqiri, zhvilluam një bashkëbisedim të hapur me gratë e Shalës”, tha Buja.

Në këtë takim u shpalos programi i PDK-së për Lipjan, ku u shprehen masat konkrete për fuqizimin socio-ekonomik të grave dhe rritjen e rolit të tyre në vendimmarrje.

“Nga ky takim morëm mbështetje të fuqishme, e cila na jep energji shtesë për të çuar përpara këtë vizion”, shtoi Buja.