Forca e Sigurisë së Kosovës (FSK) është vlerësuar si një nga institucionet më të besueshme në vend, duke konfirmuar edhe një herë besimin e lartë të qytetarëve ndaj saj.
Duke iu referuar rezultateve të Anketës Rajonale “WeBalkans 2026”, FSK-ja ka bërë të ditur se vazhdon të renditet si institucioni më i besueshëm i sigurisë në Republikën e Kosovës.
Sipas të dhënave të publikuara, FSK gëzon 87.4% të besueshmërisë nga qytetarët e anketuar.
Komandanti i FSK-së, Gjenerallejtënant Bashkim Jashari, ka shprehur mirënjohje për qytetarët e Kosovës për besimin e vazhdueshëm ndaj institucionit, si dhe ka vlerësuar punën dhe përkushtimin e personelit të FSK-së.
“Bazuar në rezultatet e Anketës Rajonale ËeBalkans 2026, Forca e Sigurisë së Kosovës edhe këtë vit radhitet si institucioni më i besueshëm i sigurisë në Republikën e Kosovës, duke gëzuar 87.4% të besueshmërisë së qytetarëve të anketuar. Komandanti i Forcës së Sigurisë së Kosovës, Gjenerallejtënant Bashkim Jashari, shpreh mirënjohjen dhe falënderimin e tij të sinqertë për qytetarët e Republikës së Kosovës për besimin e vazhdueshëm të treguar ndaj FSK-së. Gjithashtu Gjeneral Jashari falënderon të gjithë personelin e FSK-së për profesionalizmin, punën e palodhshme dhe angazhimin e vazhdueshëm në përmbushje të misionit. Me këtë rast GLT Jashari falënderon edhe partnerët dhe aleatët ndërkombëtar në krye me SHBA-në për mbështetjen e vazhdueshme në ngritjen profesionale të FSK-së”, është thënë në njoftimin e FSK-së.
