Në Gjykatën Themelore në Prishtinë, eksperti psikiatrik Shpend Haxhibeqiri ka deklaruar se i pandehuri kryesor, Naim Murseli, nuk ka shfaqur ndonjë çrregullim afatgjatë që nga fëmijëria e deri më tani, shkruan Insajderi.
Ai ka sqaruar se ekzaminimi psikatrik nuk bëhet vetëm me dokumentet e lëndës, por edhe përmes bashkëbisedimit, vëzhgimit të sjelljeve dhe të folurit të të pandehurit.
“Këtu jemi referuar se çrregullimi afatgjatë, prej fëmijërisë deri më tani, nuk është shfaqur asnjëherë. Afatshkurtë është pjesa e cila ka të bëjë prej momentit të arrestimit deri te momenti i ekzaminimit “, tha ai gjatë dëshmisë së tij.
“ Ekzaminimi psikatrik nuk kryhet vetëm me shkresat e lëndës, por edhe me bashkëbisedim, përcjellje, vëzhgim të sjelljeve, të folurit dhe të shprehurit. Të gjitha këto merren për bazë me rastin e përpilimit të ekspertizës. Ne e kemi shpjeguar se kjo është e bazuar edhe në sjelljen e tij dhe dinamikën para, gjatë dhe pas veprës për të cilën akuzohet nga ana e prokurorisë “.
