Shumë qytetarë të Kosovës që jetojnë jashtë vendit presin festat e fundvitit për t’ia mësyrë vendlindjes.
Kjo ishte edhe tema e diskutuar në emisionin “Weekend” të Klan Kosovës. Në mesin e atyre që foli në një lidhje direkte në emision ishte edhe Zymrija që u lajmërua nga Gjeneva e Zvicrës.
Duke folur për temën “Viti i Ri mbledh gurbetçarët në vendlindje, kush ka ardhur?”, ajo tregoi se të dy prindërit i kanë vdekur dhe se nuk do të vijë në Kosovë.
“Kur e pashë pyetjen dhe këngën kur e dëgjova u mërzita, dytë më kanë vdekur.Të gjithë gurbetçarëve që udhëtojnë dhe shkojnë, ishalla kalojnë mirë, I gjejnë prindërit dhe familjarët mirë”, tha ajo.
