Deputetja e PDK-së, Ganimete Musliu është përplasur me sigurimin e Kuvendit sot në holl.
Musliu i ka cilësuar të turpshme sulmet e bëra dje ndaj saj dhe deputetëve të PDK'së, nga ana e sigurimit.
Derisa ka thënë se duhet me ju rrehë tullë, duke ju referuar VV'së që dikur sulmonte policinë.
"Që për do diktator me na sulmu neve marre ju koftë. U dashtë me na tregu urdhërin kush ju ka shti dje në sallë, edhe zgërdhihni na përcjellni nëpër holl të Kuvendit, marre duhet e me ju ardh. Po juve duet me ju rreh si ata me tulla për me na respektu.", është shprehur Musliu.
Derisa dje edhe deputetja e PDK-së, Vlora Çitaku, ka reaguar pas zhvillimeve në Kuvendin e Kosovës, duke i cilësuar si të pakëndshme skenat e krijuara në sallë.
Çitaku ka thënë se disa deputetë kanë qenë të shoqëruar nga pjesëtarë të sigurimit dhe mbrojtjes së afërt, të cilët, sipas saj, kanë cenuar integritetin fizik të disa deputetëve të PDK-së.
“Sot pamë edhe disa shfaqje jo të këndshme në Kuvend. Kishte deputetë të shoqëruar nga pjesëtarë të sigurisë, mbrojtjes së afërt, të cilët cenuan edhe integritetin fizik të disa prej deputetëve të PDK-së. Për këtë çështje do të ndërmarrim masa në IPK”, deklaroi Çitaku para mediave.
